Davao City – Wala na nakaboto si Presidente Rodrigo Duterte alang sa Brgy. ug SK elections 2018.
Pasado alas 3 karong hapon, mitingog na ang school alarm sa Daniel R. Aguinaldo National Highschool kun DRANHS alang sa paghuman sa maong eleksyon apan wala gihapon ang presensya sa pangulo.
Pipila sa mga katawhan ang naghulat ug nadismaya gumikan wala nila nakit-an si PRRD.
Kahinumduman nga kaganinang buntag, gigawas sa nasangpit nga tulunghaan ang “historical armchair” nga maoy gigamit sa pamuno-nasud sa National Elections 2016 nga gilaumang mao untay gamiton karon sa presidente.
Hinuon kaganinang buntag, nakaboto ang anak sa pangulo nga si Davao City Mayor Inday Sara Duterte-Carpio didto gihapon sa DRANHS sa Brgy. 74-A, Matina Crossing ning syudad.
RadyoMaN Renz Barbarona
