Sakto alas 2:35 sa hapon sa dihang miabot si Senador Emmanuel Manny Pacquiao, sa Kiamba Central Elementary School aron sa pagboto.
Daghan ang nakurat sa dihang kalit lamang miabot ang sikat nga Senador sakay sa usa ka XRM nga motorsiklo. Nakaangkas kini kang Kiamba Vice Mayor Bogie Martinez. Nanukad ang Senador sa panimlay sa Vice Mayor.
Gipanghinaut ni Senador Pacquiao ang usa ka malinawon nga Barangay ug Sangguniang Kabataan Eleksyon dili lamang sa probinsya sa Sarangani kondili sa tibuok nasud Pilipinas.
Dungan sa pakighinabi kaniya sa media, nagpaabot usab si Senador Pacquiao sa iyahang mensahe alang sa iyahang inahan nga si Mommy D nga magsaulog sa birthday ugmang adlawa, Mayo 15. Giangkon sa Senador nga dili na kini makatambong sa selebrasyon tungod byaheng Maynila na kini aron ipadayon ang pagbansay sa umaabot niini nga laban sa bulan sa Hulyo.
