Davao City – Miduyog si Presidente Rodrigo Duterte sa mga kristiyanos sa paghinumdum sa Todos Los Santos (All Saints’ Day) ug kalag-kalag (All Souls’ Day).
Gisulti sa Pangulo sa iyang mensahe, gisugat natong mga Pilipino, ang bulan sa Nobeymbre nga abli ang atong mga kasing-kasing samtang gihinumdum ang mga Santo ug mga mitaliwan natong mga minahal sa kinabuhi nga naghatag kanto’g insperasyon aron molawom pa ang atong pagtoo, paglaum ug gugma.
Matud sa Presidente, gipahinumdum kanato nga bisan sa kamatayon magpabilin ang atong pagmahal kanila. Dungan niini nanawagan ang pamuno-nasod sa katawhan nga saludohan ang mga miuna kanato nga anaa na karon sa Ginoo.
Gipasidaan ni Presidente Duterte, ang ilang gibilin magpabiling dakong bahin kanato kung kinsa kita karon ug daghan kita’g nakat-unan nga kaayohan gikan kanila.
RadyoMaN Bernard Pantallon
