PSA, gi-aghat ang publiko nga mo-kooperar sa census 2020

28

Gipahinumdom sa Philippine Statistics Authority kon PSA-Bukidnon ang obligasyon sa publiko sa padayon karon nga gihimong Census of Population and Housing kon Census 2020.

Sa interview sa RMN Malaybalay ngadto kang Evangeline Non, ang supervising statistical specialist sa PSA-Bukidnon gibutyag niini nga nakalatid sa Paragraph 1 section 27 sa RA 10625 nga obligado ang respondents sa primary data collection sama sa census nga muhatag ug tinood ug kompletong tubag sa pangutana.

Si kinsa man nga mubalibad o pakyas nga makahatag ug tinood ug kompletong tubag mamahimong pahamtangan ug usa ka tuig nga pagkabilanggo ug multa nga 100,000 pesos.

Una nang gisiguro sa PSA nga striktong itago ang mga nakuha nga impormasyon sa census sa usa ka indibidwal tungod kay protektado kini sa Philippine Statistical Act of 2013 ug sa Data Privacy Act of 2012.

Facebook Comments