Davao City – Kapin 20,000 ka mga personahe ang giandam gikan sa nagkalain-laing security forces alang sa pagbantay sa seguridad sa paglusad sa month-long celebration nga 34th Kadayawan sa Davao.
Sumala ni Public Safety and Security Command Center (PSSCC) deputy head Angel Sumagaysay atol sa AFP-PNP presser nga sa kinatibuk-an, adunay 27, 560 ka mga personahe diin giisa na ang maong ihap gikan sa nagkalain-laing securities safety ug units nga nagatabang sa pagkasa sa seguridad sa maong selebrasyon.
Saysay ni Sumagaysay nga sa pagsugod sa Kadayawan activities, anaa sa kapin 800 ka mga personahe ang ipang-deploy kada adlaw apan mas daghan matud pa ang ipangkatag nga personahe sa August 17, 2019 nga mao ang Indak-Indak sa Kadayawan diin i-deploy ang 5,412 personnel samtang 5,391 personnel sa August 24, 2019 diin ilusad ang Pamulak sa Kadayawan.
Sa pikas bahin, gibutyag usab ni City Transport and Traffic Management Office kun CTTMO head Dionisio Abude nga kasado na ang ilang 530 personnel sa pagbantay sa dagan sa trapiko sa nagkadaiyang aktibidad sa Kadayawan.
RadyoMaN Renz Barbarona
