Davao City – Nakatutok karon ang lokal nga panggamhanan sa Davao sa pagkontrola sa kaso sa COVID-19 sa Barangay 23-C nga usa sa mga gi-identify nga Very High Risk area dinhi sa Davao City.
Gipasidad-an ni Public Safety and Security Commander Center chief Angel Sumagaysay ang publiko nga tumanon gayod ang striktong 14 days quarantine ug maminaw sa mga pahimangno sa mga health officials sa pagpugong sa pagkaylap sa COVID-19.
‘Among ginahangyo gyod ang mga barangay officials, purok leaders ug ang mga katawhan, kung unta, kung pwede lang gyod maminaw lang gyod ta sa advice sa atoang district health officers. Kita mismo magbinantayon. Kay ngano man? Di man gud ni siya makita, pero kung makita nimo ang new cases naa ra diha nagtuyok-tuyok,” segun ni Sumagaysay.
Angayang mapasabot og insakto inabagan sa psychosocial intervention ang mga areas nga gi-lockdown.
Sa datos sa PSSCC, 25 ang gipailawom sa house lockdown, compound lockdown 3, street lockdown 1 samtang 306 ang affected household ug ang mga affected members anaa sa 848.
RadyoMaN Aimee Guinita
