Davao City – Malampuson ug malinawon nga Kadayawan Festival 2018 ang direktang mando ni Davao City Mayor Inday Sara Duterte-Carpio sa tanang law enforcement agencies.
Gisulti ni Public Safety and Security Commander Center kun PSSCC chief Benito de Leon nga aron mahimo kini, gisigurado sa mga awtoridad nga ang entero syudad mabantayan ug mabutngan og daghang mga personahe.
“We have committed about 15,600 repeated personnel deployments for the month-long or the week-long duration of the Kadayawan festivities but the actual requirement will amount to 5,000 personnel,” sumala ni De Leon.
Karong Agosto 9 ang send-off ceremony sa tanang mga personaheng gikan sa PNP, AFP, Central 911 ug mga augmentation forces para sa maong dakong aktibidad.
Hitsas na ang mga awtoridad ug mas gipalapdan pa nila ang ilang intelligence gathering aron mamentenar sa syudad ang kahusay ug kalinaw samtang makisadya ang tanan atol sa Kadayawan Festival.
RadyoMaN Aimee Guinita
