Davao City – Gipangandaman sa mga awtoridad ang pagwagtang sa liquor ban sa dakbayan sa Davao.
Sa interbyu sa DXDC RMN Davao kang Public Safety and Security Command Center (PSSCC) Chief Angel Sumagaysay, gipahimangnuan niini ang publiko nga i-lift man ang liquor ban, apan adunay mga restrictions ug kinahanglan sundon ang mga health measures.
Subling gipahimangno ni Sumagaysay sa katawhan, ang sobriety ordinance o pagdili sa pag-inom sa mga kadalanan, parke ug uban pang pampublikong lugar.
“Naa man tay ordinance ana nga ga-prohibit sa tao nga mag-inom sa kalsada, mag-tagay sa kalsada nakahubo. Tama to siya nga pwedi sila mupalit and pwedi nila i-consume na sulod sa ilahang balay. Atleast na if ma-lift siya pero may mga restrictions, we have to abide doon sa mga protocols nga gi-set sa City Government ug advice gikan sa atoang City Health,” sumala ni Sumagaysay
Nanawagan si Sumagaysay sa mga Barangay Officials nga himuon ang ilang trabaho pinaagi sa estriktong pagmonitor sa ilang mga area of responsibility sa pagpatuman sa mga balaod batok sa mga malapason.
RadyoMaN Aimee Guinita
