Davao City – Kanunay na ug dili mawala ang hulga nga pagpamomba sa syudad sa Davao.
Segun ni Public Safety and Security Command Center (PSSCC) head Benito de Leon, mas gipatas-an karon ang security measures sa syudad sa Davao subay sa pagpamomba kagahapong adlawa sa North Cotabato ug General Santos diin walo ang natalang patay.
“This is a concern for our security officials not only in our country but especially sa Davao City lalong lalo na malapit lang sa atin ‘to,” matud niini.
Gitataw ni De Leon nga wala nila gipalurang ang security alertness sa dakbayan sukad nibusikad ang bomba sa Roxas Night Market niadtong tuig 2016.
Dugang ni De Leon nga wala silay na-monitor nga terrorist presence sa ilang AOR apan wala sila mokumpyansa gani padayon nilang gi-awhag ang katawhan nga magmabinantayon ug mo-kooperar sa mga awtoridad panahon nga adunay mamatikdang kadudahang tawo o lihok.
Gani gipaniguro sa PSSCC nga ginabuhat sa lokal nga panggamhanan inubanan sa militar ug kapulisan ang tanan aron maprotektahan ang katawhan.
RadyoMaN Jason Amisola
