General santos City (update)— Gikumpirma ni Police Senior Superintendent Leonardo Suan, ang Deputy Regional Director For Operation sa Police Regional Office 12 nga suspendido sulod sa 90 ka adlaw si Police Senior Superintendent Maximo Layugan Jr.
Sumala niya nga nag-atubang ug kasong admisnitratibo si Col. Layugan gumikan sa kaso niining giatubang dihang kini ang nadestino pa sa Camp Crame.
Dugang pagbutyag ni Col. Suan nga wala siya’y igong detalye kabahin sa maong kaso apan basi sa order gikan sa Crame, epektibo niadtong Agosto 1 ang iyahang *suspension.*
Kahibaluan nga niadtong tuig 2012, adunay giatubang nga kaso si Col. Layugan nga kaniadto Superintendent pa lang gumikan sa sumala pa pagpangawkaw niini sa gobyerno sa minilyon nga kantidad sa kwarta pinaagi sa “ghost” police pensioners.
Sa kasamtangan, nagpabiling tak-om si Col. Layugan sa maong isyu nga iyahang gikalambigitan.
