Gin relieved na han PNP ha pwesto kumo PNP Provincial Director han Northern Samar hi PSSupt. Ceasar Tannagan matapos an mga alegasyon nga iginlalabay ha iya. Hiya daw in nanlugos ha iya secketarya nga pulis liwat ha Northern Samar Police Provincial Office.
Kanina han aga gindumara an turn over ceremony, ginbalyo kan Tannagan kumo Provincial Director hi PSSupt. Felix Diloy anay Chief han Logistics Regional Headquarters. Yana hi PSSupt. Tannagan in naassign ha Regional Personnel Holding and Accounting Unit ha PNP Regional Office pero waray pa hiya designation.
Sumala kan PCInsp. Ma Bella Rentuaya, Info Officer han Police Regional Office, ginklaro niya nga waray magpasaka hin kaso nga attempted rape an babaye nga pulis kontra kan Tannagan.
Ha Office of the Ombudsman nagpasaka hin kaso an pulis nga babaye, kaso nga administratibo ngan kriminal an napasaka kontra kan Tannagan mahitungod nga Senior Superintendent na an rango hini.
Diri naman makakabaton hi Chief inspector Rentuaya kun ha sitwasyon mapamatud-an nga guilty hi
Tannangan ha kaso kun matatanggal ba dayon hiya ha iya pwesto, an Ombudsman na daw an makakabaton hini.
