PSTMO ginahingyo ang mga drivers nga respetuhon ang pedestrian lanes

49

SYUDAD sang Iloilo – Liwat nga nagpahanumdom ang Iloilo City Public Safety and Transportation Management Office (PSTMO) sa mga drivers nga maghinay kag tan-awon gid ang pedestrian lanes.

“To all drivers, respect the pedestrian lane. If you had an experience paying for your traffic fines, I know for sure that you are also aware of the importance of pedestrian lanes,” ang pahayag ni PSTMO head Jeck Conlu.


Ang pahanumdom ginhimo ni Conlu kasunod sang aksidente sa dalanon sa diin nabungguan sang nagahagunos nga sports car ang mag-asawa nga manunudlo nga sanday Joe Marie Osano kag Alnie Dinah Pet-Osano Sabado sang aga, Hunyo 15.

Ang mag-asawa nga manunudlo nagtabok sa dalan gamit ang pedestrian lane.

“Based on the CCTV that I, together with some personnel, have reviewed, it was really a case of reckless driving,” ang pahayag ni Conlu.

Sa idalum sang Regulation Ordinance No. 2017-117, ang maximum speed sang mga salakayan halin sa corner Gen. Luna Street padulong sa Sen. Benigno Aquino Jr. Avenue tubtob sa Barangay Ungka, Jaro 60 kilometers per hour (kph) gid lang. Para sa mga trucks kag buses, ang speed limit nagalab-ot tubtob 50 kph.

Ngalaum si Conlu nga hugot ini nga ma-implementar agud malikawan ang aksidente sa dalanon nga nagaresulta naman sa physical injuries, damage to property kag ang malala amo ang kamatayon. // via Iloilo City Government
Photo from web

Facebook Comments

From Advertisers