ILOILO City – Nagpanawagan si PSTMO Head Mr. Jeck Conlu sa mga establishments sa syudad nga sundon ang kaundan sang executive order 146 ni Mayor Jose Espinosa III.
Ang EO 146 amo ang mando ni mayor Jose Espinosa III nga dapat asta lang alas dos sang kaagahon ang operations sang mga restaurants kag restobars.
Indi man sila pwede makabaligya sang makahulubog nga ilimnon makalipas ang alas dos sang kaagahon.
Suno kay Conlu, magahimo sila sang surveillance sa mga establishments sa syudad agud mahibaluan kun sin-o ang nagalapas sang executive order.
Pahayag ni Conlu, kun indi magtuman ang mga establishments, magapasar na ang syudad sang ordinansa agud mangin permanente ang pagdumili.
Matandaan nga ang EO 146 ginpaggwa ni Espinosa sa handum nga mapahagan-hagan ang insidente kag krimen nga tuga sang makahulobog nga ilimnon.
Photo from web
