PSWDO South Cotabato may ginahatag nga ayuda sa mga kabataan nga biktima sang pagpang-abuso.

May ginahatag nga ayuda ang provincial government sang South Cotabato paagi sa Provincial Social Welfare sa mga kabataan nga biktima sang pagpang-abuso partikular na amo yadtong nangin biktima sang pagpanghimulos.
Suno kay OIC PSWD Officer Haidie Agustin nagahatag sila sang financial, legal assistance kag counselling sa mga biktima.
Samtang kon natrauma ang biktima ginarefer nila ini sa psychiatrist tungod nakamemorandom of agreement ang provincial government sa doctor.
Ginpahayag man ni Maam Agustin nga may nagakalain-lain man nga aktibidad kag programa sila nga ginapatuman upod ang mga nagkalain-lain nga government agencies kag non-government organizations dire sa probinsya agud nga maprotektahan ang mga kabataan sa anuman nga klase sang pagpang-abuso.
Lakip sa mga aktibidad ang pagpatigayon sang training sa mga day care workers,social workers, subong man pagpatuman sang supplemental feeding sa mga malnourished nga mga kabataan kag iban pa.