> READ! Public Hearing tagpahigayon suyod sa Sangguniang Panlungsod sa Surigao City sa pagtuki sa proposal nan Phil. Primemark Properties Incorporated para sa pagpalambo sa kasamtangang Merkado Publiko. Sa presentasyon ni Pedro Mora na nagrepresentar sa Primemark Properties tagtudlo na andam sila mobubo nan kapin P800 milyones sa amo na proyekto, himoong 4 storey an building. An Lease Agreement ilayom sa Private Public Partnership ug ila rentahan an espasyo gikan sa gobyerno sa siyudad sa una na 25 katuig ug posible pa ma-expand sa dugang 25 katuig sa tag-P4 milyones kada tuig an ila bayad sa renta . Hinoon kon sila na an magdaya sa merkado publiko an may P50,000 sila na ipatuman na Goodwill Money sa mga karaan na nag-okupar nan Stalls ug laing P100,000 sa bag-ong morenta, pagabayaran isab ini suyod sa 3 ka tuig. Tag-angkon pa ni Mora, an kasamtangang rate na tag-P6 hangtud P9.60 per square meter kada adlaw an mo-usbaw na labi na kay ini tagpatuman sa siyudad 10 katuig na an milabay. Namahayag an Presiding Officer sa Public Hearing na si Vice Mayor Alfonso Casurra na pasiuna lamang an taghimo na tigom kahapon ug jaon may mosunod human an nagsingabot na Brgy. ug SK elections. > > > > >
