Aprubado na sa 3rd and final Reading sang Sangguniang Panlalawigan sang South Cotabato ang Ordinance No. 04, Series of 2020, ukon “The Public-Private Partnership Code of the Province of South Cotabato”.
Nabalhag sa PPP Code ang procedures sa pagpili sang private sector proponent kag adoption sang contract management framework, Committee on Trade, Commerce and Industry
Ang Public-Private Partnership (PPP) ang isa ka contractual agreement sa tunga sang gobyerno kag pribado nga kumbuyuhan para sa financing, pagdesinyo, pag implementar kag operasyon sang infrastructure facilities and services nga ginaprovide sang public sector.
Sa PPP ginapatuman ang Build Operate Transfer sa diin pribado nga kumbuyuhan ang naga finance kag nagapatukod sang isa ka proyekto kag ginatugutan ang mga ini nga pamunuan ang operasyon sang project tubtob sa mabawi na sini ang ila gin invest.
Ang operasyon ang gilayon nga isaylo sa contracting government unit sa tion nga magtakop na ang ginkasugtan nga period.
May-angot sini, suno kay South Cotabato Vice Governor Vicenti de Jesus paagi sa nasambit nga ordinansa ginalauman nga mapatuman na sa probinsya ang nagakalain lain nga developmental projects kapareho sang water supply, mining and exploration, hydropower projects, tourism, and post-harvest facilities, kag iban pa.
Author sang amo nga ordinansa sanday Board Members Eamon Gabriel V. Matti, Jinky P. Avance, Hilario G. De Pedro VI, Henry L. Ladot, Wilson G. Paclibar, kag Ester Marin-Catorce.
