Ginareklamo nga Wahi Readymix Corporation sa banwa sang Leganes, kompleto sa permit suno sa Licensing office

Gin-athag ni Lea Gonsaludo san Licensing office sang Leganes nga kumpleto ang permit sang Wahi readymix corporation.

Suno kay Gonsaludo, ila ginpaagi sa husto nga proseso antes hatagan sang permit ang nasambit nga korporasyon.

Dugang pa ni Gonsaludo nga wala sila sang may nabaton nga complaint batok sa Wahi readymix corporation rason nga wala ini ginpa-idalom sa inspeksyon.

Apang sa karon, ginpahayag ni Gonsaludo nga may office order na gikan kay leganes Mayor Adolfo Jaen nga maghiwat sila sang imbestigasyon matapos nakalab-ot sa media ang reklamo angot sa yab-ok nga ginatuga sang makinarya sang Wahi readymix corporation.