Gipahimangnoan karon sa Bureau of Fire Protection kon BFP ang publiko nga gidili ang pagsunog-sunog pinasikad sa R.A 9003 nga ilawom sa pagpatuman sa Department of Environment and Natural Resources kon DENR.
Sa interview sa RMN ngadto kang Malaybalay City Fire Marshal Senior Inspector Lloyd Villaroya, ilabina sa gi-awhag niini kadtong mga nanag-iya ug katubhan nga dili na maghimo ug pagsunog.
Gipasabot niini nga lisod na kontrolon kung mudako na ang kalayo. Ang mas naka-delikado ug kung aduna pay mga kabalayan sa palibot.
Gidugang pa ni Villaroya nga basin mao pa kini ang hinungdan sa pag-suffocate sa mga bata nga makamugna ug kadaut sa utok ilabina ug mahanggab nila ang aso sulod sa 10 hangtod 20 minutos.
Nasayran nga karong tuiga nakatala ang BFP ug tulo ka residential nga nasunog samtang adunay ubay-ubay na usab ang nahitabo nga grassfire.
Nasayran nga gisaulog ning bulana ang Fire Prevention Month nga nagdala sa temang Ligtas na Pilipinas ang ating hangad, pag-iingat sa sunog ay sa sarili ipatupad”
