Alerto karon ang kapolisan sa dakbayan sa Sugbo tungod sa posibling pagsiaw sa mga mangongoot ilabi na karon nga nagkadool na ang pasko ug bag-ong tuig .
Si Police Lieutenant Colonel Clark Arriola , PIO sa Cebu City Police Office nibutyag nga hugot nilang gimonitor karon ang posibling pag-abot sa mga mangongoot gikan sa gawas sa Central Visayas Region tungod kay naandan na nilang dayuhon ang Sugbo gikan karon hangtud na sa Sinulog sa sunod buwan .
Giklaro hinoon ni Arriola nga wa pa silay namonitor nga taga gawas sa Sugbo nga nianhi lang ug tuyo aron mobiktima sa publiko, apan sa gihapon gipasidan-an ang mga tawo nga mag-amping sa ilang kagamitan .
Lakip sa gipahimangno sa kapolisan ngadto sa publiko mao nga di maayong magsigi ug post sa social media bahin sa ilang nahimutangan ilabi na ug mobiya sa panimalay tungod kay magdasig kini sa mga kawatan nga mohimo ug dautang mga plano sama sqa pagpanglungkab ug pagpangawat.
