Publiko, gihupay ang kabalaka mahitungod sa local transmission sa Valencia

Gihupay karon sa panggagamhanang local sa siyudad Valencia City ang kabalaka sa publiko mahitungod sa natala nga local transmission sa dakbayan.

Nasayran nga adunay natala nga local transmission sa Purok 2, Bagontaas sa mao nga siyudad.

Sa interview sa RMN Malaybalay ngadto kang Vice Mayor Dr. Pol Murillo, gibutyag niini nga niadtong pang Hulyo 13, ila nang napahigayon ang contact tracing, nasuta ug na-isolate na nila ang mga posibleng na-expose sa mao nga pasyente.


Samtang giklaro usab niya nga lahi ang rason nganong gipailawom sa lockdown ang usa ka compound sa religuos group sa P-2, Lumbo, sa mao nga siyudad.

Matud niya nga wala kini kalambigitan sa natala nga local transmission.

Gibutyag usab nga niya gamay lamang ang nagpuyo sa mao nga compound.

Facebook Comments