Ginaawhag sang pamunuan sang Office of the Civil Defense ukon OCD 12 ang publiko nga magpartisipar sa ipatigayon nga 3rd Quarter Nationwide Simultaneous Earthquake Drill sa Setyembre 10 subong nga tuig.
Samtang kadungan sang nasambit nga aktibidad sa tunga sang pandemya, suno kay OCD 12 Information Officer Joriemae Balmediano yara sa gihapon ang duck, cover and hold kag istrikto nga ipatuman ang mga health protocols kapareho sang social distancing, pagsuksok sang face mask kag iban pa.
May-angot sini, ginatugyan naman sa mga local government unit ang pag-identify sang mga lugar nga sarang patigayunan sang earthquake drill kag likawan sa gihapon suno pa ang mass gathering sa nasambit nga aktibidad.
Ang nasambit nga aktibidad ang kabahin sang preparasyon sa tion sang linog matapos nga pipila ka mga pag-uyog ang nabatyagan sa mga lugar sa rehiyon.
