Ginaengganyo sang Philippine Institute of Volcanology and Seismology ukon PHIVOLCS ang publiko nga mangin kabahin sang 1st quarter nationwide simultaneous earthquake drill bwas nga adlaw, Pebrero 21, 2019.
Alas dos sa hapon pagahiwaton ang earthquake drill kon sa diin dululungan nga maga duck, cover and hold ang magapartisipar.
Tinutuyo sini nga matakos kon ano ka preparado kag matestingan ang response kag recovery plans ingkaso mag-igo ang mabaskog nga linog.
Suno kay DOST Undersecretary Renato Solidum Jr., nagasalig sila nga pinaagi sa nasambit nga aktibidad, maengganyo ang publiko nga mapapag-on ang disaster resilience.
Dugang pa diri nga dapat mangin handa ang publiko para sa “The Big One” bangud sa posible nga paghulag sang west valley fault ano man nga oras.
(photo from the web)
