Publiko ginaganyat sang PRO 6 nga magproseso sang application sa gun ban exemption

122

Ginaganyat sang Police Regional Office 6 ang publiko nga magproseso na sang ila application para sa gun ban exemption.

Ginpahayag ni PRO6 director Chief Supt. John Bulalacao, importante nga makasecure sang certificate of authority to carry firearms bangud ini ang ila pamatu-od nga pwede sila makadala sang armas apisar nga may gun ban.

Sa mga indi makakuha sang certificate, mapasakaan sila sang kaso kriminal kon madakpan sila sang otoridad nga nagadala sang armas.

Para mag-apply, kinahanglan sang applikante nga magsumite sang application form kag mga dokumento nga makapamatu-od nga lisensyado ang ila armas sa ila pinakamalapit nga COMELEC office.

Ang COMELEC office na ang magapasa sang ila mga aplikasyon sa COMELEC main office sa Intramuros, Manila.

Nag-umpisa na ang pagbaton sang COMELEC sang mga aplikasyon sang Disyembre 1 kag magalawig tubtob Mayo 29, 2019.

Nagapati si Bulalacao nga sa tion nga mag-umpisa na ang kapulisan sa paghiwat sang checkpoint operations may kaangtanan sa COMELEC gun ban, madali na madakpan ang mga nagahupot sang iligal nga armas bangud wala sila sang mapakita nga dokumento.

Photo from web

Facebook Comments