Publiko gipa-alerto batok sa pandemic scammers

55

Davao City – Nagpahimangno karon sa Davao City Anti-Scam Unit (ASU) sa publiko labot sa mga scammer nga nagapangabuso panahon ning pandemya hatud sa Coronavirus Disease 2019 (COVID-19).

Sa interbyu sa DXDC RMN Davao kang Simplicio Sagarino, ASU Head, gisaysay niini nga angay mahimong alerto ang publiko labi na sa mga scam nga ginahimo online labi na kung adunay mga advance payment nga ginapangayo ang ka-transaksyon.


Matud ni Sagarino, sagad mga tao makumbinsi nga mupalit sa usa ka produkto labi na kung kini barato o nag-offer og mas ubos nga presyo kaysa sa ubang sellers.

“Mabiktima sila kay pangyawat lagi, nga maka-less labi na karong panahona (tungod sa pandemic) nga nagpait. Naay nag-offer nga mubo nga kantindad, so i-go dayon nila,” segun ni Sagarino.

Pipila sa mga na-report sa ilang opisina mao ang labot sa investment scheme, scam sa lote, scam sa gipalit nga gamit, diin nahatagan usab kini og solusyon sa buhatan.

Gipanawagan sa ASU Head ang publiko nga gilayong i-report kanila ang susamang insidente aron kini gilayong maakasyunan.




RadyoMaN Kirby Manzon, RadyoMaN Abi Bibera

Facebook Comments