Gipa-amping karon sa usa ka medical expert ang publiko batok sa heat stroke karong panahon sa ting-init.
Sa interview sa RMN Malaybalay ngadto kang Dr. Rene Obra, usa ka medical doctor ug tigtambag sa Dramang “Kini ang akong Suliran” gibutyag ninii nga ang heat stroke usa sa mga bantayanan nga sakit karong ting-init.
Tambag niini nga kinahanglan nga magbutang ug mugamit sa panagang sa init sama sa kalo o payong kung mugawas sa balay aron moprotekta gikan sa direktang kainit sa silang sa adlaw.
Matud sa eksperto nga kinahanglan nga likayan ang sobrang temperatura sa lawas sa usa ka tawo.
Gipahinumdom usab niini nga ang normal nga temperature sa lawas anaa lang sa 36.5 degree Celsius ug dili angayang mosobra.
Pasabot ninii nga bisan ug wala gihilantan ang usa ka tawo apan kon direktang maigo sa silang sa adlaw, posibleng ma-heat stroke ang usa katawo.
