Davao City – Nagpahimango ang City Government of Davao labot sa mga impormasyon nga adunay black market sa Coronavirus Disease 2019 (COVID-19) vaccines.
Giklaro ni Davao Mayor Sara Duterte-Carpio nga sa pagkakaron, ang gobyerno lamang ang adunay access sa bakuna ug otorisado sa vaccination pinaagi sa Department of Health (DOH), ug city/municipal health offices.
Kung aduna may muduol ug mutanyag og bakuna, kini dili otorisado ug angay mag-alerto ang publiko sa maong peke nga bakuna.
“Walay organization, office or establishment nga adunay access sa bakuna except the government sa pagkakaron. Kung dunay tao nga muduol sa inyoha, nagalako og bakuna unya pabayran sa inyoha, dapat magdudad na mo and mag-raise na of red flag sa inyoha,”
Nasayran nga sa milabay nga tuig pa ang maong estorya nga adunay giingong black market sa COVID-19 vaccines butang nga gipa-alerto ang katawhan batok niini pinaagi sa pag-report sa Department of Food and Drug Administration (FDA) ug DOH.
RadyoMaN Kirby Manzon
