Publiko gipahimangnuan nga dili magpataka ug pasa sa mga nang gawas nga text messages may kalabot sa hulga o target sa mga grupong gusto mag sabwag ug kagubot tungod kay dili kini tinuod.
Nagpahimangno karon ang PNP ngadto sa publiko nga magbinantayon ug dili magpataka ug pakatap sa nanggawas karon nga text messages, email, ug bisan paman diha sa digital social media.
Walay kamatuoran ang gika ingong hulga sa bisan asang dapit nga matod pa ilang target. Ang maong mga text messages gipakatap kini bisan walay kamatuoran aron lang paghatag ug kabalaka sa mga katawhan. Giawhag nga kun madawat ang mga maong text, gilayong palason kini ug dili na ipasa pa ngadto sa uban.
Tumong niini aron dili na mapasa pa ngadto sa lain ug mahatagan ug kalinaw sa panghuna-huna ang matag usa, I delete nalang kun makadawat sa nahisgutan nga mga impormasyon may kalabot sa hulga sa kalinaw.
Gani naningkamot man ang mga awtoridad, aron malikay sa bisan unsang matang sa pangpang ataki gikan sa mga terorista o bisan unsang grupo nga nagsabwag ug kagubot sa pipila ka mga dapit.
Dinhi sa probinsya sa Zamboanga del norte kanunay nga naka alerto ang kapulisan sama sa ilang pagpahigayon ug mga checkpoint aron maharang ang mga dautang elemento nga mo sulod gawas sa ilang area of responsibility.
Butyag pa sa PNP nga ang pagka vigilante sa publiko mao ang pinaka maayo nga pamaagi sa nahisgutan nga sitwasyon sa unahan. Tungod ka yang pagka balaka magdugang lang kini ug ka kuyaw nga mo resulta pa hinuon sa dili maayong panghitabo.
Kun makadawat kamo ug mensahe nga may kalabutan sa hulga sa kalinaw mamahimong itaho ngadto sa emergency hotline 911 or pinaagi sa PNP text hotline 0917-847-5757.
