Malaybalay City, Bukidnon – Gisiguro sa PNP Regional Office 10 nga walay angayang kabalak-an ang publiko sa subling pagpatuman nila sa Oplan Toktok Hangyo kon Oplan TOkhang.
Sa interview sa RMN Malaybalay ngadto kang PSupt. Lemuel Gonda, ang spokesperson sa PNP-10 gibutyag niini nga dili ma-abuso ang tawhanong katungod sa programang Tokhang.
Matud ni Gonda nga kadtong mga tawo lamang nga apektado sa Tokhang ang misupak hinungdang angay kining suporatahn sa publiko aron mabatukan ang operasyon sa gidiling droga ug aron masalbar ang pipila ka tawo nga nagumon paggamit sa droga ug nagbaligya niini.
Gani gibutyag ni Gonda nga mamahimong kuhaan ug video ang mga tokhangers aron masayran kon giunsa paghimo kini.
Mahinumduman nga sa panahon ni kanhi PNP Regional Director C/Supt Agripino Javier, nahimong ikatulo ang Northern Mindanao nga adunay labing daghang Tokhang responders sa tibuok nasud.
