Davao City – Kampante ang Kinaiyahan Foundation nga nasayod na ang mga tawo sa angay buhatan kun mahitabo ang pagbaha o landslide karon nga nagpadayon ang pagbundak sa uwan dala sa bagyo ug daot nga panahon.
Sumala sa Focal Person nga si Betty Cabasares nga dili magkumpiyansa ang publiko bisan tuod og taas ang ilang kahibalo sa preparasyon apan mas labing maayo kun mas hugtan pa gyod ang pagpangandam aron masiguro nga dili madisgrasya sa epekto sa La Nina nga miigo sa ato nga dapit.
Gi-aghat sab ni Cabasares ang mga barangay opisyal sa tanang lugar sa rehiyon onse nga magpakabana pinaagi sa pagprepara ug sayron ang evacuation centers aron aduna dayod maadtoan ang mga tawo nga maapektohan sa posibleng pagbaha ug pagdahili sa yuta dala sa kalamidad sama sa bagyo.
Hinoon gipahimangnoan ni Kinaiyahan Foundation Focal Person Betty Cabasares ang publiko nga bisan og nakaandam na dili kini garantiya aron maka-ipsot sa bung-aw sa disgrasya panahon sa ting-ulan.
Apan gibarugan niini nga wala gyo’y como kun nakaprepara ang mga tawo kay dako ang kahigayonan nga maluwas ug makasurvive sa epekto sa kasuko sa kinaiyahan ikumpara sa mga tawon nga nagkuwang sa pagpangandam sa wala pa ang kalamidad.
RadyoMaN Joel Viray
