Nanawagan karon sa publiko ang Department of Education kon DEPED nga musalmot sa gipahigayon Brigada Eskwela.
Nasayran nga gisugdan na kagahapong adlawa ang Brigada Eskwela nga molungtad hangtud sa adlaw nga Sabado.
Sa interview sa RMN ngadto kang Sunny Ray Amit, ang assistant schools division superintendent sa Malaybalay City Division nihangyo kini sa mga ginikanan nga tabangan sila sa panginahanglanon alang sa mga tulunghaan ug gidapit niini ang katawhan nga mutabang sa pagpanglimpiyo.
Hinoon gipahinumdom usab sa DEPED nga dili pugsanay ang pag-apil sa brigada eskwela maong dili angayang mabalaka ang mga ginikanan nga ma-apektahan ang trabaho ug kaugalingong desisyon na niini ang pag-apil sa brigade eskwela.
Apan gidasig ni Amit nga unta gahinan ug oras ang mao nga kalihukan.
