Pugante ASG ya entrega ya na Provincial Jail de Basilan

222

Ya entrega ya el Lamitan City Police Station para na Provincial Jail del Basilan con el pugante si Boy Indama despues ya pwede c0neste aresta el combinao fuerza del policia y militar na municipalidad del Albarka medyo dia del huwebes semana pasao.

Na entrevista di RadyoMaN Richard Falcatan, Asegun con Col. Juvymax Uy, commandante del Joint Taskforce Basilan, el arresto kun Indama siguiendo el continuando focus military operation del militar na provincia.

Si Indama siguidores di ASG leader Puruji Indama. Unu este na 31 maga presonero quien ya pwede escapa durante el jail break na Basilan Provincial Jail del Deciembre 13 anyo dos mil nueve. Ta emfrenta este caso de Kidnapping y Serious Illegal Detention.


Mientrastanto, con dos alegao maga carnappers identificao c0mo kanda Salam Aslatan y si Nuruddin Duray el ya sale tambien arrestao del mismo dia na un checkpoint del 4th Army Special Forces na Barangay Cabunbata, ciudad de Isabela.

Ya pwede conestos recubri ta usa el un rubao motorsiklo que ta duenia si Mursid Halikin residente del municipio de Tipo-Tipo.

Con el dos maga suspechao derecho ya entrega para na Isabela City Police Office para el propio plantada del caso c0ntra conestos na Corte.



Facebook Comments