Yara na sa14 ka mga person under investigation ukon PUI ang napatay sa probinsya tungod sa Severe Acute Respiratory Illnes ukon SARI nga halos negatibo naman suno pa sa COVID -19 ang resulta base sa datos sang Integrated Provincial Health Office halin Enero subong nga tuig.
Samtang yara naman sa maayo suno pa nga kondisyon ang tatlo nga nagposotibo sa nasambit nga balatian.
Sa subong yara na lang sa anum ang pending nga resulta sang PUI nga ginpaidalom sa COVID test suno kay Hanna Ebeo, health education and promotion officer sang IPHO.
Ginkumpirmar man ni Ebeo nga sa subong yara na sa walo ka mga pasyenti ang naadmitir sa PUI confinement center sa Upper Valley Community Hospital.
Ginpahayag niya man nga wala pa ginasunod sang IPHO ang bag-o nga classification sang DOH nga suspected, probable kag confirm sa mga pasyenti sang COVID-19 imbes nga PUM kag PUI base naman sa advice sang DOH 12.
Ginaawhag sang pamunuan sang Integrated Provincial Health Office ang mga nagpamulang sa Davao City nga kon wala pa nakapalapit ukon nakadtuan sang mga health workers sa lugar ang dapat magcoordinate gid agud nga indi na mabudlayan ang mga ini sa pagpangita.
Ini matapos nga sa inisyal may-yara sang 39 ka mga taga-South Cotabato ang nagpadulong sa Matina Gallera Derby.
May-angot sini, gin-aprobahan sang mga katapo sang Sangguniang Panlalawigan sang South Cotabato sa ginpatigayon nila nga regular session kahapon nga adlaw ang ordinansa nga mandatory nga pagsuksok sang face masks sa tanan nga public places sa probinsya sang South Cotabato nga nabalhag man sa ginpaggwa nga executive order no. 21 ni Governor Reynaldo Tamayo Jr. tungod sa kaso sang COVID-19 sa probinsya.
