PUJ drivers ug operators ma-blacklist kung i-misuse ang fuel subsidy

48

Davao City – Nagpasidaan ang Land Transportation Franchising and Regulatory Board (LTFRB) Region XI nga mamahimo nilang i-blacklist ang mga PUJ driver ug operator kung adunay anomaliya sa ihatag nga fuel subsidy.

Sa interbyu sa DXDC RMN Davao kang LTFRB-XI Regional Director Nonito Llanos III, dili nila konsentihon ang violators sa pag-abusar sa fuel subsidy nga gihatag sa gobyerno.

“If in case nga ilahang gamiton for other purposes just like what happen in the past, they will be blacklisted na by the LTFRB,” matud ni Llanos.


Ang mga mapamatud-ang nagbinuang sa fuel subsidy taktakon isip usa ka benepisyaryo.

Matud sa usa ka puj driver insakto kini nga lakang tungod kay dako kining tabang kanila sa pagpamasahero tungod sa taas nga presyo sa gasolina.

Gibutyag ni Llanos, 7,397 ka mga units (PUJ ug FILCABS) ang modawat og tag P7, 200 nga fuel subsidy.



“7,200 pesos per unit.Each unit has itsown LANDBANK card. So if one operator has 10 units, he will also have 10 cards,” sumala niini.

I-deretso sa mga Pantawid Pasada Program Cards sa mga benepisyaryo ug makuha ang maong fuel subsidy sa mga accredited gasoline stations.


RadyoMaN Aimee Guinita

Facebook Comments