*Matud pa nga ang pag maneho sa usa ka motorsiklo giingon nga delikado para sa nagmaneho niini. Tungod niini ang usa ka dryber dapat magbaton ug lisensya nga gikan sa “LTO” Land Transportation Office nga nagpamatood nga pasado kini sa examinasyon ug adunay restriksyon nga numero 1 kun pwede magmaneho ug motorsiklo.*
*Apan unsa ka luwas ang mga galamitan niini nga gipang sal-ub isip pag modipikar sa usa ka motorsiklo? Adunay nagkalain-laing mga pang modipikar sa usa ka motorsiklo isip pagpaguapo niini. Gikan sa side mirror, brake handle, led lights, horns, rear set brake and clutch, open pipe ug daghan pang mga gamit nga pag pamodipikar sa motorsiklo. *
*Matud pa sa LTO ang pagmodipikar sa motorsiklo sa mga gamit niini gikan sa iyang orihinal nga desinyo nga walay pag aprobar sa LTO ug DTI aduna kini multa nga P2,000.00 sa mga mosupak ug mo lapas niini. Karon ang pangutana luwas ba kining mga gamit pang pamodipikar sa usa ka motorsiklo ug unsaon nato pagkahibalo nga orihinal kini ug pulido?*
