BACOLOD CITY – (Update) Padayon gihapon nga nagatipon sang impormasyon ang mga utoridad agud mahibaluan ang identity san nasapwan nga bangkay sang isa ka babayi sa Lacson Street, Brgy. 7, Bacolod City sadtong Sabado sang hapon.
Ang amo nga bangkay ang ginabulubanta naga edad 16 tubtub 18 anyos kag halos indi na makilala bangud tuman na ini ka agnas kag posible binulan na nga napatay.
Nasapwan ang bangkay sa isa ka abandonado nga commercial establishment sa 16th Lacson Street sadtong Sabado, December 22 mga las 2 sang hapon.
Angut sini, gilayon nga nagpatigayon sang imbestigasyon ang Scene of the Crime Operatives para mahibaluan kon may foul play ukon natural death ang natabo sa amo nga biktima.
Apang may mga anggulo nga posibli ginrape ang biktima bangod man sa sitwasyon sang bangkay sang masapwan.
Luslos na ang iya underwear, samtang ara na sa iya dughan ayun ang blue sini nga t-shirt.
Malaba ang buhok sang amu nga babaye apang indi na makilala ang itsura bangod man madugay na ini nga napatay.
Oktubre sini nga tuig, Masskara may reported nga missing person sa Bacolod apang padayon pa nila ginaverify kon bala nagasanto ini sa itsura sang bangkay. /dyHB BACOLOD
