BACOLOD CITY – Ginklaro sang Central Negros Electric Coopertive, CENECO nga indi sa ila naghalin ang natabo nga fluctuation kag low voltage sang koryente kagab-i kundi ini ang iya sang National Grid Corporation of the Philippines (NGCP).
Suno kay CENECO Public Relations Officer, Malou Parroco nga ginahulat pa nila ang update halin sa NGCP agud mahibaluan ang rason sa amo nga grid disturbances nga nagtuga naman sang pag-fluctuate kag low voltage sang koryente.
Ginpaathag sang pa sang Central Negros Electric Cooperative, CENECO kon diin indi lamang isla sang Negros kag Guimaras ang apektado sang amo nga low power kundi subong man ang Cebu kag Panay.
Nahibaluan na madamo ang nagreklamo sa natabo kagab-i nga pagpatay-siga sang power supply partikular ang mga nagapatigayon sang ila Christmas party kag ang mga naga-preparar para sa paskwa.
Wala labot sa grid disturbances, ginalantaw man nga rason sang interruption amo ang daku nga demand sang koryente bangud sang holiday season./dyHB BACOLOD
