General Santos City—Sikop ang usa ka pulis atol sa gihimong Buybust Operation sa PDEA-Regional Office 12 sa may NRC-2 resort sa Barangay City Heights Gensan kahapon.
Giila ang suspek nga si Po1 Arjay Benatero, 32, miyembro sa Traffic management Unit, residenti sa barangay Cannery, Polomolok, South Cotabato.
Subay sa report sa PDEA nakadawat sila ug report bahin sa iligal nga aktibidad sa nasangpit nga pulis.
Tungod niini ilang giilawom sa surveillance ang nasangpit ug dihang nakumperma ang report, hilayon silang naghimo ug buybust operation.
Nakuhaan ug Benatero ug 1 ka gramo sa gituohang shabu ug marked Money nga P500.00.
Kasong kalapasan sa sec. 5, 11 at 12 sa RA 9165 ang atubangon sa nasangpit nga suspetsado kansa balhog karon sa silda sa PDEA-12.
(Photo Credit to: PDEA-12)
