PULIS GINSUMBAG NALIPONG | Nadulaan sang pangalibutan ang isa ka pulis matapos nga ginsumbag, mga suspetsado na-preso

140

Nahunong sa selda sang Iloilo City Police Station 1 ang tatlo ka suspek nga
nagsumbag kag nagbulig kastigo sa kay PO1 Paolo Moquerio sa Roof Top KTV
Bar sa dalan Hipodromo, City Proper kaina sang kaagahon.

Suno kay PO1 Moquerio natumba siya matapos ginsumbag kag ginpulihan kastigo
sang mga suspek nga sanday Genie Sandoma 29 anyus, Junie santillan 25 anyus
nga lunsay residenti sang Brgy. Poblacion, San Juaquin, Iloilo kag Christian
Cabunaga 25 anyus sang Brgy. Buga Leon, Iloilo.

Pahayag pa sang pulis nga gin-unahan siya ni Sandoma samtang nagbulig naman
kastigo nanday Santillan kag Cabunaga.

Depensa naman ni Sandoma ginhana siya nga gabutan sang armas luthang sang
pulis rasun nga gin-unahan niya ini sang atake nga nagresulta sa
pagkalipong ni Moquerio.

Gindala naman palagyu sang suspek nga si Santillan ang service firearm ni
PO1 Moqeurio, nga sang ulihi nag- surrender man sa mga otoridad nga
ginpreso bangud sa reklamo sang pulis batok sa ila.

Facebook Comments