Pulis, gipusil-patay

27

General Santos City— Gipusil-patay sa wala pa mailhing suspek ang usa ka PO1 Achilles Tablazon, hamtong ang pangidaron nga residente sa Prk. Palian, Tupi, South Cotabato.

Sumala kang Police Superintendent Aldrin Gonzales, tigpamaba Sa Police Regional Office 12 nga alas 10 pasado ang takna sa buntag dihang nahitabo ang pagpamusil gawas mismo sa panimalay niini.

Base sa impormasyon, naka-assign sa Regional Headquarters sa PRO12 ang nasangpit nga pulis. Apan kanhi matud pa kining iyembro sa South Cotabato Provincial Police Office particular na sa Provincial Intelligence branch.

Sa inisyal nga imbestigasyon, bag-uhay lang mi-abot sa ilahang panimalay ang biktimang pulis apan wala pa kini makapanaug sa iyahang sakyanan gipusil na kini sa mga suspek nga sumala pa riding in tandem, nadala pa sa balay tambalanan ang biktima apan gibakwian gihapon sa iyahang kinabuhi.

Sa karon, ginasuta pa kung unsa nga armas ang gigamit sa pagpamusil ug nangita pa ug nangita pa sila ug posibleng testigo sa maong krimen.

Dugang pamahayag ni Supt. Gonzales nga target gyud sila sa mga kriminal hilabina sa mas gipakusgang kampanya batok illegal nga droga. Rason nga nanawagan si Police Chief Superintendent Eliseo Rasco, Regional Director sa PRO 12 nga bantayan usab nila ang ilahang personal nga mga siguridad.

Kini aron nga dili na masundan pa ng nahitabo kang PO1 Ttablazon. Pag-angkon niya nga lakip na gyud sa ilahang trabaho ang bahad sa kinabuhi.

Facebook Comments