Seguiendo con el memorandum desde na PNP Headquarter na Camp Crame, el maga pulis esperanzao ay implementa istrictamente maga leyes aqui na ciudad.
Asegun con el portavoz del Polisiya Regional 9 si Chief Insp. Helen Galvez el memorandum que ya llega na PRO9 del mas reciente donde pirmao el gefe del pulisiya del paiz ta estipula el su mandato contodo maga pulis para implementa el todo maga lei ambos nacional o local.
Asegun con gefe del PNP si Director Oscar Albayalde, el program del pulis amo para previni maga crimen que recio ocuri na maga calsada o afuera del maga residencia.
El operacion del pulis ta incluji el aresto del maga persona tiene el mandamiento de aresto, ta carga maga contraband, nohay camisa afuera del casa hasta maga videoke lampas na hora del noche y si tiene maga curfew na tal lugar.
