Davao City – Kinahanglang sundon ang hustong proseso sa paggunit sa kaso sa mga batan-on nga madakpan sa curfew on minors aron malikayan ang pagpangabuso.
Sumala kang City Social Services and Development Office (CSSDO) assistant head Marilyn Aguno, ang mga pulis nga modakop sa makalapas sa curfew angayang dili magpadala sa ilang emosyon aron malikayan ang pagpangdagmal.
Matud ni Aguno, i-endosar sa hingtungdang ahensya ang mga nadakpan alang sa himoong pagpasabot.
Gisulti ni Aguno, walay rason ang police aron dapatan ang mga batan-on nga ilang madakpan nga nakahimo og salaud ilabina sa curfew nga pabali-balik na lamang. Segun ni Aguno ang ensakto niini mao ang pagrescue ug ihatod sa mga buhatan sa gobyerno nga dunay responsebilidad sa pag-asikaso.
Dili dautan ang pagbunal sa mga ginikanan sa ilang anak basta kay dunay gugma ug ipasabot kanila kung ngano silang gibunalan. Matud ni Aguno kini nga matang sa pagdesiplina anaa sa bibliya nga kinahanglang sundon sa mga ginikanan.
Samtang sa hisgutanang pag-abulisa o rebisahon ang Pangilinan Law, giklaro ni Aguno dunay bahin sa maong balaud nga usabon aron mohaum.
RadyoMaN Bernard Pantallon
