Pulis may suspek na sa 11-anyos nga bata nga ginkastigo tubtob mapatay

Victorias City – May mga suspek na ang mga kapulisan sang Victorias City kon sin-o ang nagkastigo tubtob mapatay ang 11 anyos nga bata nga ginkilala kay Mark Anton Bilode, isa ka Grade 6 pupil sang Cuaycong Elementary School.

Nakit-an ang bangkay ni Bilode sang nagligad nga Biyernes sa Hacienda Pusan, Brgy. 20 nga may madamo sang lagob kag lampos sang matig-a nga bagay sa iya nga ulo.

Suno kay Supt. Herman Garbosa, chief of police sang Victorias City nga nagguwa sa imbestigasyon nga masobra isa ang suspek bangod nakit-an ang duha ka pares sang tsinelas nga lain lain naman ang kadakuon sa crime scene.


Ang bata ang ginsugo lang sang iya iloy nga magkuha sang mga utanon sang Huwebes apang wala na nakapauli tubtob maggab-i.

Posibli man suno sa mga otoridad nga ginbilin lang ang bangkay sang biktima kag sa iban nga lugar ginhimo ang pagpatay.

Facebook Comments