Pulis muerto na tiro

Muerto el un pulis despues ya tira conele na un parking lot na Sinunuc del Sabado denoche.
Con el victima ya conose como si SMS Leo San Juan, de Tumaga Porcentro y designao na Vitali.
Si San Juan ya sostene tupada de bala na cara y na cuerpo.
Asegun na report del pulis pasada alas 6 del noche sintao adentro del su Nissan Navarra mientras paraw na parking lot del Classic Complez na Sinunuc si San Juan cuandobtiene ya lang un persona armao del 45 pistola ya aparese y ya tira conele cuatro beses.
El criminal ya munta na motorsiclo taaneha su uban y ya entabla para na weste parte del ciudad.
Con el victima ya lleva na hospital pero ya dispidi siempre este amediante del curada medical.
Maga pulis ya encuntra cuatro capsula y un punta de 45 pistola na lugar del crimen.