Pulis nagdala og bomb materials arestado

25

Davao City – Anaa na sa kamot sa National Bureau of Investigation (NBI) ang usa ka pulis nga nakuhaan og daghang materyales sa bomba atol sa gipahigayong entrapment operation sa NBI Manila sa Tagum City, Davao del Norte niadtong miaging semana, Nobyembre 23, 2018.

Giila ni Police Chief Supt. Marcelo Morales, hepe sa Police Regional Office (PRO) XI ang maong pulis nga si PO2 Glenn Magalso, 31-anyos nga nadestino sa 1st Provincial mobile force company (PMFC), Davao del Norte Police provincial office (DNPPO).

Sa operasyon, nakuha gikan sa gi-rentahang van sa suspek ang kinse ka kaso sa ammonium nitrate, detonating cord, mga blasting cap ug uban pang piyesa sa paggama og bomba.

Gipanindugan sa pulis nga gamiton matud pa nila ang mga materyales sa bomba sa minahan.

Ginasuta na usab karon kung asa naggikan ang maong materyales ug ang mga nagpaluyo niini samtang ang arestadong pulis mag atubang og kasong adunay kalapasan sa Republic Act 10591 kun Comprehensive Firearms and Ammunition Regulation Act.

RadyoMaN Kirby Manzon

Facebook Comments