General Santos City—Gidala sa presento sa kapulisan ang usa ka pulis nga si PO3 Norbert Ferolin, 45 anyos, nga residenti sa PC Barracks ning dakbayan sa Gensan human kining nagmaoy sa check point sa may Silway, Barangay West ning dakbayan sa Gensan.
Ala 1:00 ang takna sa kaadlawon kaganina samtang nag motor kining nahisgutan, siya gisita sa mga sakop sa CPSC nga nagpahigayon ug Checkpoint sa nasangpit nga lugar.
Kalit lang nasuko ang pulis dayon gibalikas ang mga nagsita kaniya.
Tungod niini siya gidala sa presento sa kapulisan partikular sa Police Station 1 . Gikaingong hubog ang nasangpit nga pulis dihang gihimo ang pagmaoy.
Facebook Comments
