General Santos City–Wala na matud pay planong mag pasang-at ug kaso ang usa ka Police Corporal Michael Acuesta, 35 anyos nga nakabase sa Alabel Municipal Police Station ug nanimuyo sa Tantangan South Cotabato, batok sa driver sa pick-up truck nga si Winston Corbita nga taga Maasim Sarangani Province human nga ma-sideswipe sa nahisgutang ang pulis ug gidaganan alas 2:30 ang takna sa hapon sa National Highway, Barangay Tambler.
Sumala pa Police Senor Master Sergeant Jose Sembrano ang Chief Investigator sa Traffic Management Unit GenSan nga naghusay na matud pa ang duha ka mga panig sa ilahang buhatan nga dili na mag pasang-at ug kaso ang nahisgutang pulis batok sa nakabangga kaniya tungod kay aksidente lang matud pa ang nahitabo.
Kung kahinumduman nga na sideswipe sa nahisgutang pick-up truck ang nahisgutang pulis sa dihang mi-break kini sa iyahang motor tungod kay adunay gilikayan apan inay nga hunungan misibat kini padulong sa Maasim ug didto misurrender sa chief of police sa Maasim Municipal Police Station.(Dave Silagan)
