Rebulto ni General Esteban Contreras sa sulod Capiz Provincial Park, ginligwat ang nahamtangan; pamilya Contreras, naghatag sang pahanugot

441

Roxas City, Capiz – May yara sang pahanugot sa pamilya ang pagsaylo sang rebulto ni revolutionary General Esteban Contreras nga nahamtang sa Provincial Park. Ginpahayag ni Pontevedra Mayor “‘Dodoy” Evan Contreras nga nag-istorya sila ni Capiz Governor Tony del Rosario angut sa amo nga bagay kag nahisugtan nga igasaylo ang rebulto agud nga maghatag ligwa sa pagkaayo sa amo nga lugar para nga pagabutangan sang display center sang mga produkto nagikan sa mga kabanwanan sa Capiz.
Ginpunto pa sang alkalde nga sa ila bahin, wala ini sang problema kun ang mayor nga tinutuyo amo ang katin-aran para sa probinsya. Nahibaluan nga ginsaylo lamang ang nasambit nga rebulto sa right wing sang provincial park agud hatagan ligwa ang pagpasangkad sang landscaping para madugangan pa gid ang katahom kag mangin presentable sa mga bisita.
Samtang ginkumpirmar man ni Pontevedra Mayor Esteban ‘‘Dodoy Evan” Contreras nga isa ka museum ang ginapatukod sa banwa sang Pontevedra para nga butangan sang mga gamit sang baganihan nga heneral. Suno diri nga matapos ang konsultasyon kag pag-aprobar sang National Commission on Culture and the Arts ukon NCCA, ini ang igapahamtang sa isa ka water tank nga malapit sa munisipyo sang Pontevedra.
Magluwas sa mga gamit ni General Esteban Contreras, iga-butang man ang mga memorabilias sang mga baganihan nga Capizeño nga nag-revoke batok sa pagsakop sang mga mga Español.

Facebook Comments

From Advertisers