General Santos City–giparelib gilayon ni Police Senior Superintendent Romeo Ruel Berango, Acting City Director sa Gensan City Police Office si PO3 Norbert Ferolin human mag-maoy ug namalikas sa kapulisan nga sakop sa city public safety company, ala 1:00 ang takna sa buntag sa may P. Acharon Blvd. ning dakbayan.
Pamahayag ni Col. Berango nga iyang ipabutang sa CPHAU si Po3 Ferolin aron usab nga mahatagan ug leksyon human nagmaoy.
Sumala niya nga dili niya i-tolerate ang unsa mang sayop nga himuon sa iyang mga sakop nga makahatag ug kadaut sa emahe sa kapulisan.
Dugang pamahayag ni Col. Beragno nga mag-atubang ug kasong adminsitratibo si Ferolin human sa pagpamalikas niini ngadto sa kapulisan ug aduna paāy dala nga armas samtang naka-inom.
Gani gibutyag niini nga gidis-armahan siya sa kapulisan human nga mapa-blotter sa Police Station , human ang maong insidente.
saysay pa ni Col. Berango nga magdepende sa gibug-aton sa kaso nga ipasang-at kaniya kung siya madismiss o dili, apan iyahang gipaniguro nga dili kini mamahimong abswelto sa salaod nga iyang gihimo. (Dave Silagan)
