General Santos City— Aksidente lang matud pa nga mibuto ang service firearm ni Po1 Melvin Lamanero, nga nakabase sa Police Station 6 milabay’ng gabii sa may P.I 16, Brgy. City heights ning dakbayan.
Sumala kang Police Senior Inspector Reynaldo De Armas, hepe sa Police Station 6, nga basi sa pamahayag sa iyahang pulis nga pagsukbit niini sa iyahang hawak sa pusil, aksidente matud pa nga nakalabit ang trigger g kini mibuto makaduhang higayon.
Tungod matud pa sa presensya sa mga sibilyan sa lugar dali ng naka-responde ang kapulisan sakop sa police station 4 kung asa narekober pa sa lugar ang armas niini human mabiyaan tungod sa posibleng pagka-ratol.
Dugang pamahayag ni PSI De Armas nga sa kasron, anaa sa restricted custody sa Police Station 6 si PO1 Lamanero samtang ginahikay ang posibleng kasong atubagon niini ilalom sa Police Station 4.
Saysay pa niini nga gumikan sa tumang kahubog sa nasangpit nga pulis, wala na matud pa siya nasayud kung unsay nahitabo niadtong gabhi-una.
