HINIGARAN, NEGROS OCCIDENTAL – Nagsurender ang guwardia nga nakatiro sa isa ka pulis sa komosyon nga natabo sa Canonoy Beach Resort sa Barangay Miranda, las 3 sang hapon, Sabado.
Nakilala ang gwardiya kay Joey Belenario, 39, pomoloyo sang Barangay Anahaw samtang ang pulis naman nga napatay amu si PO2 Britches Talapiero.
Si Talapiero ang assigned sa Bacolod City Police Office Police Station 5 (Granada) kag nagapuyo sa Stone Heaven Subdivision sa amun man nga barangay.
Sa pagpangusisa sang dyHB, wala nag-insendihanay si Rutchy Talapiero, utod sang pulis, kag isa man ka kustomer sang resort nga si Leslie John Dojillo, 22, sang Sitio Linandan, Barangay Anahaw.
Nangayo naman sang bulig si Rutchy sa iya utod nga pulis tubtob nga dumalagan si Leslie sa ila nga cottage kag didto na gintiro sang makaduha ka beses sa likod sang pulis.
Sang nagresponde ang gwardya nga si Belenario kag tuyo nga magpacify, dumalagan pa si PO2 Talapiero, kag hana pa siya nga tiruhon rasun nga iya ini gintiro sang iya shotgun.
Gilayon naman nga nagsungka si Belenario sa mga otoridad, bitbit ang iya shotgun kag pusil sang pulis.
Si Dojillo nga may igo sa likod ang ara pa subong ginabulong sa ospital.
Kaso nga murder ang ipasaka naman sang mga otoridad sa gwardia nga si Belenario. /Not the actual photo/HINIGARAN PNP
